Health tips in Urdu: صحت اور تندرستی کے 5 رہنما اصول

  صحت و تندرستی کے پانچ ٹوٹکے:نہیں پڑے گی ڈاکٹر اورادویات کی ضرورت اگر آج سے ہی اپنالیں یہ عادات۔آج کا طرز زندگی ایسا بن گیا ہے کہ لوگ صحت مند رہنے کے لیے کھانے سے زیادہ دوائیں لے رہے ہیں اور ہسپتال کے چکر لگا رہے ہیں، اس لیے اگر آپ ان چیزوں سے دور رہنا چاہتے ہیں تو صحت مند رہنے کے ان ٹوٹکوں پر توجہ دیں۔

Health tips in Urdu: صحت اور تندرستی کے 5 رہنما اصول

Health tips in Urdu:صحت کے پانچ ٹوٹکے

 آج کل کھانے پینے کی بری عادتیں اور طرز زندگی  ایسی بیماریوں کی وجہ بنتے جا رہے ہیں، جن کے علاج کے لیے ڈاکٹر اور ادویات پر بہت زیادہ پیسہ خرچ کرنا پڑتا ہے۔ بہت سی بیماریاں اتنے پیسے خرچ کرنے کے بعد بھی مکمل طور پر ٹھیک نہیں ہو سکتی، انہیں صرف کنٹرول میں رکھا جا سکتا ہے، جیسے ذیابیطس، موٹاپا اور بی پی۔ اس لیے اگر آپ ڈاکٹر کی مہنگی فیسوں اور ادویات پر زیادہ پیسہ خرچ نہیں کرنا چاہتے تو آج ہی سے یہاں دیے گئے صحت کے رہنما اصول پر عمل کرنا شروع کر دیں۔

1. دھوپ سیکنا

صبح کی دھوپ جسم کے لیے بہت فائدہ مند ہے۔ اس کی وجہ سے جسم کو وٹامن ڈی وافر مقدار میں ملتا ہے جس سے ہڈیاں مضبوط ہوتی ہیں۔ اس کے علاوہ دھوپ سے کئی طرح کے جلد کے مسائل بھی دور ہوجاتے ہیں۔ مزید یہ کہ پر سکون نیند کے لیے دھوپ کو ضروری سمجھا گیا ہے کیونکہ یہ جسم میں میلاٹونن ہارمون پیدا کرتا ہے جو اچھی نیند کے لیے ضروری سمجھا جاتا ہے اور کچھ دیر دھوپ میں بیٹھنے سے تناؤ بھی دور ہوتا ہے۔

2. روزانہ ورزش کریں۔

ورزش کرنے کے لیے روزانہ 20-30 منٹ نکالیں۔یقین جانیے آپ نہ صرف جسم کو فٹ رکھ سکتے ہیں بلکہ آپ عمر کو کئی سال تک بڑھا بھی سکتے ہیں۔ورزش کا مطلب جِم جانا اور گھنٹوں پسینہ بہانا نہیں ہے بلکہ آپ گھر کے عام کام کرکے بھی آسانی سے فٹ اور چاق وچوبند رہ سکتے ہیں۔ اس لیے یوگا، رسی کودنا، چہل قدمی جیسی بہت سی سرگرمیاں ہیں، جن میں کسی قسم کی سرمایہ کاری کی ضرورت نہیں ہے بلکہ فائدے ہی فائدے ہیں۔

3. صحت مند غذا کا استعمال ۔

اگر آپ کولیسٹرول، ذیابیطس، دل کے مسائل جیسی خطرناک بیماریوں سے بچنا چاہتے ہیں تو سب سے پہلے اپنی غذا سے تیل، مسالے دار اور جنک فوڈ کو مکمل طور پر خارج کردیں۔ چینی اور نمک کی مقدار بھی کم کریں۔سادہ غذا کھائیں، جس سے نہ صرف جسم بلکہ دماغ بھی تندرست رہتا ہے اور اس پر عمل کرنے کے لیے سب سے اہم چیز کھانے کا وقت مقرر کرنا ہے۔

4. پانی وافر مقدار میں پیئں 

پانی جسم کو ہائیڈریٹ رکھنے کے ساتھ ساتھ جسم کے کئی اہم کاموں کے لیے بھی بہت ضروری ہے۔ پورے دن میں کم از کم6 سے 8 گلاس پانی پیئں۔نیم گرم پانی پینا اور بھی فائدہمندہے۔ اس سے ہاضمہ درست رہتا ہے، ساتھ ہی موٹاپےپر بھی قابو پایا جا سکتا ہے۔

5. 6-8 گھنٹے کی نیند حاصل کریں  

جسم اور دماغ کو صحت مند رکھنے میں نیند کا بہت بڑا کردارہے۔پرسکون نیند آپ کو دن بھر تروتازہ اور توانا رکھتی ہے۔ کام پر توجہ مرکوز کر سکتے ہیں۔یادداشت درست رہتی ہےاور ہاضمہ بھی درست رہتا ہے۔اس لیے بہتر ہے کہ اچھی نیند کے لیے سونے کے بعد موبائل، ٹی وی وغیرہ کا استعمال نہ کریں۔